Божественная литургия 28.01.2023 в день памяти прпп. Павла Фивейского и Иоанна Кущника.
Тропарь Павлу и Иоанну, глас 4
Боже, отец наших,/ творяй присно с нами по Твоей кротости,/ не остави милость Твою от нас, / но молитвами их// в мире управи живот наш.
Кондак прп. Павлу, глас 3
Яко светило незаходящее мысленнаго Солнца,/ сошедшеся, днесь восхвалим в песнех:/ возсиял бо еси сущим во тьме неразумия,/ вся возводя к Божественней высоте,/ фивеев украшение,/ Павле преподобне,// отцев и постников твердое основание.
Кондак прп. Иоанну, глас 2
Возлюбив, премудре, нищету неокрадому, / родителей твоих богатство возненавидел еси/ и, Евангелие в руках твоих держа,/ последовал еси Христу Богу, Иоанне,// моляся непрестанно о всех нас.
Величание
Ублажаем вас,/ преподобные отцы Павле и Иоанне, / и чтим святую память вашу,/ наставницы монахов// и собеседницы Ангелов.
